Kokkurinn Ógurlegi

hæ þið öll

Sat, 01 Sep 2007 23:53:45 GMT

ER FARINN Á MOGGABLOGGIÐ, SLÓÐIN ÞANGAÐ ER www.hemmi.blog.is SJÁUMST ÞAR

Hugleiðing dagsins í dag úr bókinni "ÉG ER INNRA MEÐ ÞÉR"

Sat, 01 Sep 2007 18:31:46 GMT

„Þú getur svifið upp í hæstu hæðir með hjartað fullt af lofi og þakklæti. En eins og litli lævirkinn, verður þú að lyfta þér frá jörðu; þú verður að leggja á þig það erfiði. Þetta þarf ekki að vera streð; þetta getur verið glaðlegt, áhyggjulaust erfiði. Hvers vegna vera hlekkjaður, þegar slíkt framtak gæti breytt lýfi þínu algjörlega? Horfðu hátt, því hærra því betra. Vænstu að það dásamlegasta muni gerast, ekki í framtíðinni, heldur núna. Stikaðu áfram ákveðnum, stöðugum skrefum, með djúpri, öruggri innri vissu um að þú munir ná sérhverju takmarki sem þú setur þér. Því ekki að gera eitthvað jákvætt í dag? Því ekki að beina orku þinni til jákvæðra framfara? Um leið og þú hefur gert það sem þér ber, færðu alla hjálp sem þú þarft en ekki fyrr en þá. Hafðu trú á hæfileikum þínum til að gera allt því þú færð aulegð þína frá mér. Þú getur gert allt þegar trú þín og traust eru á mér.“

Hugleiðing dagsins í dag úr bókinni ÉG ER INNRA MEÐ ÞÉR

Fri, 31 Aug 2007 08:32:24 GMT

"Undrast þú stundum hvers vegna þú ert þar sem þú ert, að gera það sem þú ert að gera? Hefur þú nokkurn tímann efasemdir í huga? Leitaðu djúpt ínnra með þér, í hjart þínu og svaraðu þessum spurningum heiðarlega. Ef þú finnur að þú ert ennþá ínn af þessum efasemdarmönnum, gefðu þér þá tíma til að ver hljóður, leita uppljóunar innan frá og átta þig á hvar þú passir inn í hina víðtæku heildarmynd. Ég get fullvissað þig um að það er engin tilviljun að þú ert þar se þú ert. Lífið hefur ef til vill verið þér mjög erfitt. Þú gætir hafa þurft að ganga í gegnum margar prófraunir og reynslu. Þér gæti jafnvel fundist eins og þér hafi verið varpað í brennandi loga. Þú getur verið viss um að ástæða er fyrir þessu öllu: það þarf að brenna burt óhreinindin svo ekkert verði eftir nema hreint gullið – ég er nærvera þín innra með þér – þá get ég unnið í og gegnum ég er nærveruna, birt dásemdir mínar og dýrð svo allir geti séð."

Hæ öll

Wed, 29 Aug 2007 10:29:21 GMT

Lífið gengur allt sinn vana gang þessa dagana, Birna var sett til að fæða þann 21 ágúst en ekkert gerist, erum orðin pínu óþolinmóð að bíða, en drengurinn kemur bara þegar honum hentar og æfum við okkur bara í þolinmæði á meðan, fékk sendann þennan gamla góða fóstbræðra-skets í um daginn, læt hann fljóta með.

hafið það gott!!

Hugleiðing dagsins úr bókinni ÉG ER INNRA MEÐ ÞÉR

Wed, 29 Aug 2007 10:25:47 GMT

“Þú verður að vinna úr því sem þér ber að vinna í andlegur lífi. Ég er ávallt hér til að hjálpa þeim sem hjálpa sér sjálfir en þú verður að taka fyrsta skrefið. Þú lærir aldrei lexíur ef allt er gert fyrir þig. Þú getur ekki þjálfað barn með því að gera allt fyrir það. Þú verður að leyfa því að spreyta sig. Skiptir engu hve hægar og fálmandi gerðir þess eru í fyrstu, þú verður að standa á bak við og vera afar þolinmóður. Ég verð að standa á bak við þig afar þolinmóður og kærleiksríkur og sjá hvernig þú vinnur úr þínu og gerir mistök. En hafðu ávallt í huga að þú hefur hag af mistökum þínum; því ekkert er til einskis. Þú ert ávallt að læra nýjar lexíur og taka framförum á Andlegu leiðinni. Sérhvert skref, skiptir ekki máli hve lítið það er, færir þig nær takmarkinu, skilning þínum á einingu við mig; þangað til að lokum þú gerir þér grein fyrir að það er enginn aðskilnaður, allt er eitt og þú ert hluti af þessu eina dýrðlega lífi.”

Hugleiðing dagsins í dag úr bókinni ÉG ER INNRA MEÐ ÞÉR

Tue, 28 Aug 2007 08:26:56 GMT

“það er ákaflega þýðingarmikið að læra að setja það framar öllu sem skiptir mestu máli, því aðeins þá gengur allt fullkomlega upp. Leitaðu í hjarta þínu og sjáðu hvað þú hefur efst á lista. Er það þú sjálfur og þín eigin velferð? Eða er það vinnan þín og efnaleg staða? Ertu ánægður að lifa lífinu algjörlega ómeðvitaður um mig? Þú ert algjörlega frjáls að hafa hvaða viðhorf sem þú óskar þér. Enginn mun stöðva þig. En þú verður að vera fús að taka afleiðngunum þegar allt fer úrskeiðis. Þegar þú veist hvað er rétt og velur að fara þína eigin leið, berð þú jafnvel meiri ábyrgð því þú getur ekki látið sem þú vitir ekki hið rétta. Afsakaðu þig aldrei með því að það sé svo mikið að gera að ekki sé tími til að láta allt ganga upp. Ég segi þér að þegar þú setur það framar öllu sem skiptir mestu máli, þá er tími fyrir allt.”

Hugleiðing dagsins í dag úr bókinni ÉG ER INNRA MEÐ ÞÉR

Mon, 27 Aug 2007 10:46:48 GMT

“þakkaðu fyrir allt. Hafðu hjartað galopiðð og láttu þakklætistilfinningu flæða í endalausum straumi. Það er hægt að vera þakklátur fyrir svo margt. Þakklætið heldur augum þínum opnum fyrir mér og dásemdum mínum. Þá saknar þú einskis og þú sérð mig í öllu sem gerist. Þú veist að það er munstur og áætlun í lífi þínu; þess vegna eru engar tilviljanir. Sérhvert samband er rétt, sérhver framkvæmd er undir handleiðslu. Þú verður að hafa fullkomið traust til að vera fær um að lifa á þennan hátt, trú á að lífi þínu sé leiðbeint og stýrt af mér. Það þýðir að þú verður fyrst að gefa þig allan til mín, til þess að hægt sé að nota þig eins og ég vil. Þú verður að læra að eingöngu þegar þú gefur allt muntu fá allt. Þú getur aðeins gefið allt þegar þú hefur lært að elska mig af öllu hjarta, huga, sál og styrk; því án kærleika getur þú ekki tekið þessi skref, getur ekki lifað andlegu lífi. Opnaðu því hjarta þitt og elskaðu.”

Hugleiðing dagsins úr bókinni ÉG ER INNRA MEÐ ÞÉR

Sun, 26 Aug 2007 10:23:55 GMT

"Þú hefur gífurlegt verk að vinna. Það er hin hljóða vinna, að skapa meiri kærleika í heiminum. Líkt og gerið í deiginu sem vinnur sitt verk hljoðlega og án fjaðrafoks. En vanti gerið, verður brauðið bara þéttur klumpur. Elskaðu þess vegna þær mannverur sem þú ert með, elskaðu það sem þú ert að gera, elskaðu umhverfi þitt og þær mannverur sem þú lítur á sem óvini þína. Það er mikið meiri dyggð að elska þá sem virðist vera ómögulegt að elska en elska aðeins þá sem elska þig. Finndu þörf sérhverrar mannveru fyrir kærleika. Leyfðu þér að vera farvegur kærleika, til að uppfylla þá þörf. Um leið og sérhver einstaklingur lærir að elska kærleikans vegna verða erfiðleikarnir í heiminum léttari því kærleikur flytur með sér léttleika þangað sem áður voru þyngsli og myrkur. Kærleikur byrjar innra með sérhverjum einstaklingi. Líttu því inn á við í þitt eigið hjarta og kallaðu hann fram. Gefðu hann fúslega og af einlægri gleði."

HUGLEIÐING DAGSINS

Sat, 25 Aug 2007 14:57:44 GMT

"Láttu þér aldrei finnast að þú hafir ekkert að gefa. Þú hefur gífurlega margt að gefa og þú munt gera þér grein fyrir að því minna sem þú hugsar um það, þeim mun betur gengur það. Því meira sem þú hugsar um aðra og lifir fyrir þá, gleymir sjálfum þér algjörlega í þjónustu við þá, með enga hugsun um hvað þú fáir út úr lífinu, þeim mun hamingjusamari verður þú. Gefðu aldrei með annarri hendi til að taka það aftur með hinni. Þegar þú gefur, hvað sem það er, gefðu þá án nokkurra skilyrða svo hægt sé að nota það algjörlega frjálst. Þegar þú gefur, gefðu þá ríkulega, fúslega og af öllu hjarta, og gleymdu því síðan. Þessar reglur eiga við gjarfir á öllum sviðum, hvort sem þær eru efnislegar eða andlegar, snertanlegar eða ósnertanlegar. Vertu alltaf örlátur þegar þú gefur og óttastu ekki að þjást af skorti, því á þann hátt er það ekki sönn gjöf. Gefir þú einlæglega mun þig ekkert skorta."

(ÚR BÓKINNI "ÉG ER INNRA MEÐ ÞÉR".)

Hugleiðing dagsins!

Fri, 24 Aug 2007 08:53:21 GMT

“Líttu í eiginn barm. Er þar eitthvað sem veldur óeiningu og ágreiningi? Er þar einhver misskilningur, afbrýðisemi, öfund eða eitthvað neikvætt sem gæti hamlað þér? Þú þarft að horfast í augu við sjálfan þig af sanngirni, hreinskilni og heiðarleika. Ef því er þannig varið að þú sért sandkornið sem vinnur fullkomlega samkvæmt áætlun minni, muntu vita það án nokkurs efa. Ef þér líður óþægilega, ert með afsakanir og reynir að réttlæta gerðir þínar og hugsanir, getur þú verið viss um að eitthvað djúpt innra með þér þarf að breytast. Þegar þú áttar þig á því láttu það þá ekki að draga þig niður en breyttu strax viðhorfi þínu og viðmóti. Eg er ávallt hér til að hjálpa þér. Kallaðu á mig og ég mun hjálpa þér að sigrast á öllu sem virðist vera í veginum og hindrar þig í að skynja að þú sért eitt með heildinni.”

Úr bókinni ÉG ER INNRA MEÐ ÞÉR

Hugleiðing dagsins

Thu, 23 Aug 2007 00:29:44 GMT

Blessuð og sæl öll sömul, ég er búinn að vera að drepast úr Blogg-leti, en af mér og mínum er allt gott að frétta, Birna mín allveg að fara að fæða, var reyndar sett þann 21 ágúst svo við væntum þess að eitthvað fari að gerast á allra næstu tímum/dögum.

Ég er búinn að vera að glugga í bók annað slagið sem heitir „Ég er innra með þér“ og er allveg mögnuð bók með smá hugleiðslu fyrir hvern dag, allveg magnað finnst mér, hér að neðan er hugleiðing dagsins í dag fyrir þá sem vilja vaxa andlega,.... Það vil ég.....

„Leyfðu krafti andans að streyma inn í þig og gegnum þig. Opnaðu þig fyrir þessum óendanlega krafti; og gerðu þér grein fyrir að sannur leyndardómur hans er fólginn í að vera í nánu sambandi við mig og að taka á móti frá hinni óendanlegu, eilífu uppsprettu. Hún er ávallt til staðar fyrir allar mannverur sem eru tilbúnar til að nota rétt, það sem þær fá frá þessari uppsprettu, til hagsbóta fyrir heildina. Þú verður að ver tilbúinn; þú verður að biðja áður en þú getu þegið. Því verður ekki ýtt að þér fyrr en þú er tilbúinn. Trúir þú að allt sé mögulegt með mér? Skilur þú þá staðreynd eða leyfir þú enn efasemdum og ótta að eyðileggja fullkomnunina í lífi þínu? Fullkomið hljómfall er í öllu lífi. Þegar þú ert í samhljómi, fylgir þú því án nokkurrar áreynslu og finnur gleði og örvun í að gera það. Því ekki að ver í takt, komast í samhljóm og njóta lífsins til fullnustu?“

Er að spá í að deila þessum hugleiðingum með ykkur framvegis,

Hafið það gott og hugsið fallega!!!

Hafið Þórdísi Tinnu og Palla Flugmann ofarlega í bænum ykkar, þau þurfa virkilega á því að halda!!!

Life goes on!!!

Sat, 28 Jul 2007 11:22:24 GMT

Þá er maður lentur á klakanum og farinn að vinna aftur, en á rólegu nótunum því það er ekki svo mikið að gera eins og venjulega, það eru svo margir í sumarfríi og ekkert á þeim buxunum að kaupa veislumat J

Ég og Emil áttum allveg hreint frábæra ferð til kóngsins köben, hittum marga gamla og góða vini og skemmtum okkur hið besta, fórum í dýragarðinn, í Tívolí og svo frv....rosa gaman hjá okkur.

Ég hjálpaði Erlu föðursystur minni í köben að gera matinn í fimmtugsafmælinu hennar og heppnaðist það svaka vel, það komu ca 100 manns og var veislan haldin í bakgarðinum hennar, þar var hann Jón maðurinn hennar og fleiri menn búnir að setja upp partý-tjöld og var stemningin hin besta, við buðum uppá 3 rétta máltíð sem byrjaði með Parmaskinku í forrétt borin fram á ruccula með melónubitum og ananas-mangódressingu og ferskum parmesanosti, svo vorum við með grill-tvennu þ.e.a.s. heilgrilluð lambalæri og bbq-spareribs og höfðum við gert helling af meðlæti s.s. venjulegt salat, bulgursalat, hummus, heitt grænmeti, ferskt og fallegt miðjarðarhafs-kartöflusalat úr smælki og kalda sósu úr creme fraishe og grísku jógúrti með helling af hvítlauk og kryddjurtum, allir voru glaðir með matinn og þá getur maður ekki annað en verið sáttur. Í eftirrétt höfðum við Creme Brulé með fersku ávaxtasalati og hindberjasósu og sló það allveg í gegn, svo endaði matarveislan með næturmat að dönskum sið eftir miðnætti og buðum við uppá rauðar pylsur að dönskum sið með öllu tilheyrandi.

Hérna á næstunni mun ég setja nokkrar myndir úr ferð okkar feðga inn á síðuna og mun það byrtast undir link hér neðst á síðunni til vinstri.

Svo er það mikilvægur leikur í dag keflavík sem við vinnum að sjálfsögðu.

Áfram FH!!!

Time is flying!!!

Wed, 11 Jul 2007 10:29:38 GMT

Þá er bara kominn miðvikudagur, vá hvað tíminn flýgur.Um síðustu helgi héldum við Birna uppá 3 ára afmælið hanns Emils okkar og heppnaðist það svona líka vel, það voru reyndar nokkur forföll en það er ekki við öðru að búast á þessum árstíma, við héldum þetta á “hefðbundin hátt” með pylsuparýi og opnu húsi fyrir nánustu fjölskyldu frá 13-16 og svo fyrir vinahópinn okkar eftir það, krakkarnir voru ímist inni eða úti að leika í sandkassanum sem Emil fékk í afmælisgjöf frá Didda afa og Ingu ömmu eða í boltaleik, Björgvin Franz sýndi töfrabrögð fyrir börnin á heimsmælikvarða og var þetta bara skemmtilegt í alla staði.

Á laugardaginn er svo stefnan tekin á Kaupmannahöfn, ég og Emil förum þangað bara tveir því það er ekki nema rétt mánuður þangað til hún Birna mín á að eiga næsta kríli, (bara að hún geri það ekki á meðan ég er úti :-)

það verður eflaust mikið fjör hjá okkur feðgum og hlakkar okkur svakalega til :-)

Áfram FH

Smá Blogg :-)

Tue, 03 Jul 2007 15:22:00 GMT

Jæja þá vinir og allir hinir, þá er sumarið bara hálfnað en mér finnst það bara nýbyrjað, svona líður tíminn þessa dagana, það er ágætis-álag á mér þessa dagana, Rúnar búinn að vera erlendis í eina viku og á eina eftir, en þetta horfir allt í rétta átt, ég og Emil erum að fara til DK þann 14 í tíu daga, það verður fjör hjá okkur feðgum, það styttist óðum í það að hún Birna mín verði léttari, en hún er sett til að eiga þann 21 ágúst en eins og við vitum af fyrri reynslu gæti allt farið að gerast 3 vikum fyrr ef þetta verður eins og síðast þannig að uppúr verslunarmannahelgi er viðbúnaðarstigið á sínu hæsta.

Ingó og Lóa koma til okkar í kvöld og ætla ég að gefa þeim eitthvað gott í gogginn, alltaf gaman þegar þau eru á svæðinu.

Sindri vinur minn frá danmörku og fjölskylda eru einnig væntanleg til landsins í dag þannig að það verður mikið fjör næstu daga að öllum líkindum.

Um síðustu helgi vorum við litla fjölskyldan í Kjósinni í blíðskaparveðri, ég og Emil komum uppeftir á föstudeginum, Birna var í einhverri starfsmanna”gleði” á föstudagskvöldinu en við feðgarnir höfðum það gott uppí sveit, fórum í heimsókn til vina í öðrum bústað og fórum svo í síðkvöldssiglingu á vatninu áður en við fórum að sofa, sváfum við til klukkan 10.30 á laugardeginum, fengum okkur að borða og fórum svo út á bát að veiða og fengum 5 ágætis urriða, þegar í land var komið voru Birna, mamma hennar og pabbi, Siggi bróðir hennar og Glódís frænka hennar rétt ókomin, þegar þau komu varð glatt á hjalla, allavega hjá litla manninum, hann sér nefnilega ekki sólina fyrir ömmu Ingu og afa Didda. Seinna um daginn komu svo amma Hjördís og afi Siggi í heimsókn (foreldrar Didda) og áttum við mjög góðan eftirmiðdag og fórum við 2 langa veiðitúra um vatnið og veiddum eitthvað nærri lagi 20 urriða og eina bleikju í þeim ferðum, grilluðum svo saman um kvöldið og var þetta bara huggulegt. Á sunnudeginum vaknaði ég til að pissa en ég varð svo heillaður af kyrrðinni að ég fór út á bát og út á mitt vatnið og stoppaði mótorinn og kastaði flugu og naut kyrrðarinnar, áttaði mig svo á að klukkan var ekki nema 5 þegar ég vaknaði um nóttina, svona getur maður verið ruglaður um íslenska sumarnótt ef maður lítur ekki á úrið, laggði mig bara aftur um klukkan 7 og svaf þangað til Emil vakti mig um klukkan 10-10.30 kyrrðin var ennþá svo mikil að við fórum öll í syglingu og veiddum 2 urriða í viðbót, fórum svo í land og grilluðum okkur pylsur, pylsuðum okkur niður í orðsins fyllstu, fórum svo heim um eftirmiðdaginn, ánægð eftir skemmtilega helgi, fórum svo í sund þegar í bæinn kom.

Í gær komu Diddi og Inga og gáfu Emil fyrirfram afmælisgjöf en sá stutti verður 3 ára þann 19 júlí en þá verður hann staddur í Köben með mér, þau gáfu honum Sandkassa hvorki meira né minna, og varð sá stutti heldur glaður og upp með sér.

Ferðasagan yfir 5-vörðuháls

Mon, 25 Jun 2007 12:25:38 GMT

Lögðum í hann frá umferðarmiðstöðinni klukkan 19.00 á föstudagskvöldið, stemningin í hópnum var góð og eftirvænting mikil, ferðin gekk hægt út úr borginn enda höfðu greinilega fleiri en við ákveðið að leggja land undir fót um helgina, en allt miðaði þetta í rétta átt þótt hægt gengi.

Gengum upp frá skógum milli 22-22,30 og hitnuðu lappirnar vel við það að labba þessar vel á 4 hundrað tröppur sem mér skilst að séu upp með fram fossinum, (góð upphitun)

Svo hélt förin áfram upp hlíðarnar og tók hver fossinn á fætur öðrum við okkur, hver öðrum fallegri, ég er bara alltaf að verða meira og meira undrandi á landinu okkar, hversu stórbrotið og fallegt það er, það var gengið rösklega.

Það er ekki hægt að segja annað en að vel sé að þessu staðið hjá ÚTIVIST, í fyrsta allvörustoppinu uppi við vaðið svokallaða á gönguleiðinni var tekið á móti okkur með heitu kakói og flatkökum með hangikjeti að rammíslenskum sið og fór það vel í mannskapinn.

Næsta stopp var svo uppi við gamlan skála sem ég man ekki allveg hvað hét, með súpu og samlokum, ofsalega huggulegt að fá hressingu svona inn á milli. svo tók við kafli sem var svona einna langdregnastur og það var að stórum hluta yfir blöndu af snjó á köflum og urð og grót þess á milli, þá setti ég bara á mig Ipodinn og hlustaði á kónginn sjálfan, Bubba Morthens syngja eins og honum einum er lagið og leið þetta allt eins og hendi væri veifað.

Þegar yfir hálsinn var komið blasti fegurðin ein við, verð ég að segja, hef aldrei í mínu lífi komið á fegurri stað, ég varð fyrir einhverjum svakalegum áhrifum af þessu landslagi og hrikalegheitum íslenskrar náttúru að því fá ekki orð líst, á meðan ég naut þessarar einstöku náttúrusýnar hlustaði ég á diskinn Álfar og fjöll með Þórunni Lárusdóttur og Friðriki Karlssyni, lög á borð við Ísland er land þitt og fleiri góð hljómuðu í eyrum mér á meðan ég sveif um í leiðslum.

Það eitt er allveg á hreinu í huga mér akkurat núna að ég skil ekki að ég hafi aldrei verið þarna áður, bara skil það ekki, og það er nokkuð ljóst að ég á eftir að fara þarna aftur, slík er fegurðin.

Svo kom að við fórum að nálgast áfangastaðinn skref fyrir skref, og fór sigurtilfinning að færast yfir meir og meir í hverju skrefi, þetta er allveg hreint magnað.

Tóku básarnir blíðlega við okkur í morgunsárið á laugardeginum eftir ca 10 tíma göngu, var farið í bað, slegið upp tjöldum og farið að sofa í sátt við lífið sjálft.

Svo vakti mágur minn hann Timothy mig klukkan að verða 18.00 og var þá tími til að hafa sig til í grillið sem ÚTIVIST stóð fyrir og var það allveg til fyrirmyndar eins og reyndar allt annað í þessari ferð, eftir matinn var svo varðeldur þar sem allir gönguhóparnir sameinuðust hringinn í kringum með miklum fjöldasöng.

Á milli kvöldmatarins góða og varðeldsins fékk ég góða heimsókn úr bænum en þarna voru tveir góðir félagar mínir mættir, þeir Bjarnþór og Arnór og fengum við okkur smá göngutúr uppí hlíðina og Arnór leiddi okkur hina inn í hugleiðslu og er það allveg hreint frábært að hugleiða svona úti í allri þessari náttúrufegurð með niðandi læk við hlið sér og 3 í hóp, svo fórum við og sungum með hinum við varðeldinn.

Eftir varðeldinn spjölluðum við félagarnir aðeins fram eftir kvöldi og þar sem þeir voru bara í bíltúr þá renndu þeir í bæinn rétt fyrir miðnætti væntanlega vel andlega á sig komnir.

Í gær vöknuðum við svo og tókum saman dótið, settumst í rútuna og nutum heimferðarinnar með frábæran fararstjóra á vegum ÚTIVISTAR okkur til fróðleiks á þessari fallegu leið.

Kokkurinn Ógurlegi

hæ þið öll

Hugleiðing dagsins í dag úr bókinni "ÉG ER INNRA MEÐ ÞÉR"

Hugleiðing dagsins í dag úr bókinni ÉG ER INNRA MEÐ ÞÉR

Hæ öll

Hugleiðing dagsins úr bókinni ÉG ER INNRA MEÐ ÞÉR

Hugleiðing dagsins í dag úr bókinni ÉG ER INNRA MEÐ ÞÉR

Hugleiðing dagsins í dag úr bókinni ÉG ER INNRA MEÐ ÞÉR

Hugleiðing dagsins úr bókinni ÉG ER INNRA MEÐ ÞÉR

HUGLEIÐING DAGSINS

Hugleiðing dagsins!

Hugleiðing dagsins

Life goes on!!!

Þá er maður lentur á klakanum og farinn að vinna aftur, en á rólegu nótunum því það er ekki svo mikið að gera eins og venjulega, það eru svo margir í sumarfríi og ekkert á þeim buxunum að kaupa veislumat J

Ég og Emil áttum allveg hreint frábæra ferð til kóngsins köben, hittum marga gamla og góða vini og skemmtum okkur hið besta, fórum í dýragarðinn, í Tívolí og svo frv....rosa gaman hjá okkur.

Hérna á næstunni mun ég setja nokkrar myndir úr ferð okkar feðga inn á síðuna og mun það byrtast undir link hér neðst á síðunni til vinstri.

Svo er það mikilvægur leikur í dag keflavík sem við vinnum að sjálfsögðu.

Áfram FH!!!

Time is flying!!!

Smá Blogg :-)

Ferðasagan yfir 5-vörðuháls

Gengum upp frá skógum milli 22-22,30 og hitnuðu lappirnar vel við það að labba þessar vel á 4 hundrað tröppur sem mér skilst að séu upp með fram fossinum, (góð upphitun)

Svo hélt förin áfram upp hlíðarnar og tók hver fossinn á fætur öðrum við okkur, hver öðrum fallegri, ég er bara alltaf að verða meira og meira undrandi á landinu okkar, hversu stórbrotið og fallegt það er, það var gengið rösklega.

Það er ekki hægt að segja annað en að vel sé að þessu staðið hjá ÚTIVIST, í fyrsta allvörustoppinu uppi við vaðið svokallaða á gönguleiðinni var tekið á móti okkur með heitu kakói og flatkökum með hangikjeti að rammíslenskum sið og fór það vel í mannskapinn.

Það eitt er allveg á hreinu í huga mér akkurat núna að ég skil ekki að ég hafi aldrei verið þarna áður, bara skil það ekki, og það er nokkuð ljóst að ég á eftir að fara þarna aftur, slík er fegurðin.

Svo kom að við fórum að nálgast áfangastaðinn skref fyrir skref, og fór sigurtilfinning að færast yfir meir og meir í hverju skrefi, þetta er allveg hreint magnað.

Tóku básarnir blíðlega við okkur í morgunsárið á laugardeginum eftir ca 10 tíma göngu, var farið í bað, slegið upp tjöldum og farið að sofa í sátt við lífið sjálft.

Eftir varðeldinn spjölluðum við félagarnir aðeins fram eftir kvöldi og þar sem þeir voru bara í bíltúr þá renndu þeir í bæinn rétt fyrir miðnætti væntanlega vel andlega á sig komnir.

Í gær vöknuðum við svo og tókum saman dótið, settumst í rútuna og nutum heimferðarinnar með frábæran fararstjóra á vegum ÚTIVISTAR okkur til fróðleiks á þessari fallegu leið.

Ég er búinn að setja nokkrar myndir inn í albúmið hér að neðan til vinstri og eru fleiri væntanlegar.